शहरिया जीवनशैलीले अचेल रक्तचाप रोगीको संख्या निकै बढ्दै छ । रक्तचाप बढेसँगै यसले शरिरमा अन्य रोगहरु पनि बल्झाइदिन्छ । जसले गर्दा रक्तचाप बढ्न नदिन समयमै सचेत रहनुपर्छ । यहाँ केही टिप्स छन्, जुन रक्तचाप रोगीको लागि निकै उपयोगी हुन सक्छ ।
१) एकैपटक धेरै खानेकुरा खानु हुँदैन । मसाला तथा तेलमा तारेको खानेकुराबाट टाढा बस्नुपर्दछ ।
२) भोजनमा फलफूल र तरकारीको मात्रा बढी लिनुपर्दछ ।
३) लसुन, प्याज, भटमासको सेवन फाइदाजनक हुन्छ ।
४) भोजनमा पोटासियमको मात्रा बढी र सोडियमको मात्रा कम हुनु पर्दछ ।
५) नुनको सेवन कम गर्नु पर्दछ ।
६) चिनी, क्याफिन, चक्लेट, जंक फूड आदिको सेवन नियन्त्रित गर्नुपर्दछ ।
७) दिनमा कम्तिमा १०/१२ गिलास पानी पिउनु पर्दछ ।
८) जौ, गहुँको पिठो, मुङ्ग, अंकुरित दाल आदिको सेवन गर्नुपर्दछ ।
९) काउली, पालुङ्गो, मेथीको साग आदि नियमित खानुपर्दछ ।
१०) तरकारीमा लौका, पुदिना, परवल, सजिवन, फर्सी, करेला आदिको भोजन फाइदाजनक छ ।
११) जुवानो, अदुवा पनि नियमित खाए फाइदा पुग्दछ ।
१२) मौसम, अंगुर, अनार, मेवा, स्याउ, सुन्तला, अम्बा आदि फलको नियमित गर्नु पर्दछ ।
१३) दूध, भटमासको तेल, गाईको घिऊ, सखर, मह, बदाम आदिको सेवन पनि रक्तचाप रोगीको लागि गुणकारी मानिन्छ ।
Kindly Bookmark this Post using your favorite Bookmarking service:
0 comments:
Post a Comment